Серік Әбекеұлы!
Сізге мен облыс информатиктерін толғандырып жүрген сұрақ бойынша хат жазып отырмын.Бізді тамыз айында аудандық білім бөлімі тарапынан әр мектептепте ақпараттандыру , жергілікті желі, компьютермен байланысты жұмыстарды ұйымдастыру үшін арнайы модератор немесе мектеп директорының ақпараттандыру жөніндегі орынбасары штаты 1 қыркүйек айынан бастап беріледі деп оқытқан еді осы штат беріле ме? Оның қаржысы бөлінген бе? Себебі сендерге осындай штат беріледі деген желеумен мектеп директорлары біздің бұған дейін беріп жүрген сағатымызға маман алғысы келеді.

Облыс әкімінің бас инспекторы Айжан Оралбекова хабарлайды.
Қазақстан Республикасы Білім және ғылым министрлігінің 2010 жылғы 9 ақпандағы № 47 бұйрығының 22-тармағына сәйкес биылғы жылдың қыркүйек айынан мектептің жергілікті есептеуіш желілері мен он-лайн сабақтарын әкімшілендіргені үшін информатика пәнінің мұғалімдеріне қосымша ақы қарастыру тапсырылған.
Алайда «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы №1400 қаулысында аталған қосымша ақы, сонымен қатар Қазақстан Республикасы Үкіметінің 2008 жылғы 30 қаңтардағы «Мемлекеттік білім беру ұйымдары қызметкерлерінің үлгі штаттарын және педагог қызметкерлер мен оларға теңестірілген адамдар лауазымдарының тізбесін бекіту туралы» № 77 қаулысында арнайы модератор немесе мектеп директорының ақпараттандыру жөніндегі орынбасары лауазымдары қарастырылмаған.
Осыған орай Үкіметтің аталған қаулыларына өзгертулер мен толықтырулар енгізілген жағдайда министрліктің жоғарыдағы бұйрығы өз күшіне енетін болады.