Құрметті Серік Әбікенұлы!
Адам тірлігіндегі бақыттың қайнар көзі – мөз қолымен игілікті істер жасау. Ол дегеніміз, өзінің ішіп-жеміне, бала-шағасының қамынан асып түсетін одан әлдеқайда артық хақтың, халықтың қызығын көрер, байлық қалдыру. Яғни, өзін қойып, өзгені ойлаған адам нағыз қасиетті адам деп ойлаймын. Осындай ізгілікті іс жасау – менің арманым. Бар саналы ғұмырымды мүгедек бауырларым мен жетім-жесір қайын жұртыма жақсылық жасаумен өтті. Енді өз бала-шағама не қалдырдым деп ойласам өзімнен өзім ұяламын. Бақ отбасынан басталады ғой.
2006 жылы Ерекең бар ынтаммен жасап жүрген жұмысымды өзінің қайын апасына өткіздірді. «Маман емессің» деген сылтаумен. Азаматтығын сыйлап, осы күнге дейін жұмыссыз отырмын. Көңілім қалаған, қолымнан келетін, әрі халқыма да пайдасы бар қызметке қолым жетпей қойды. Отбасымның да жағдайы күннен күнге қиындап барады. 2004 жылдан бері үйсізбіз. Нұрланов Дүйсеннің арқасында үйлі болдым. Бірақ қаражаттың жоқтығынан үйіміз жөнделмей тұр. Бұл жағдайлардың бәрін Ерекең біледі. Неше рет хат жазып, көмек сұрадым. Бірақ көмек тұрмақ қызмет бермей жүр. «Есеңгірегеніңді елге білдірме, еншіңді жатқа ілдірме», қанша қиналсам да, қоғамдық жұмыстарға белсене араласып, «Ақжүніс» әйелдер қауымдастығын құрып, шамам келгенше халықпен жұмыс жасап жатырмын. Есеп-шотыма әлі бір тиын түскен жоқ. Былтыр да, биыл да сіздердің ҮЕҰ-ға қаралған грантқа тапсырыс бердім. Сәтін салып, ұтсам, бәрі халықтың игілігіне жұмсалады. Ал мен зейнеткерлікке шығуға екі жылым қалды. Енді сол зейнеткерлікке жақсы жалақымен, абыроймен шығу үшін бос тұрған ауылдық әкімнің қызметін сұрадым. Ауыл қарттары, бүкіл ауыл десем артық емес, қолдап отыр. Ерғазы Қошанбекұлы ол «Сіздің құзырыңызда» дейді. Сол себепті, Сізден өтінерім, осы қызметке тұруға ықпал жасауыңызды сұраймын. Мен адал қызмет етуге ант беремін. Гүлнәр Мұқатайқызы Зікірова

Қазақстан Республикасының «Қазақстан Республикасындағы жергілікті мемлекеттік және өзін-өзі басқару туралы» Заңының 36-бабына сәйкес қаладағы аудан, аудандық маңызы бар қала, кент, ауыл (село), ауылдық (селолық) округ әкімдері Қазақстан Республикасының Президенті белгілейтін тәртіпте қызметке тағайындалады немесе сайланады.
Осыған орай Бақанас селолық округі әкімінің лауазымына тағайындау Балқаш ауданы әкімінің құзырына жатады.